منتدى ام النور والقديس ابانوب

مرحبآ بك فى منتدى ام انور والقديس ابانوب ان كنت عضو مسجل برجاء الدخول او التسجيل معنا وانضم الى اسره المنتدى مع تمنياتنا بقضاء وقت مفيد وممتع فى المنتدى
مايكل ابن الملك المدير العام

انضم إلى المنتدى ، فالأمر سريع وسهل

منتدى ام النور والقديس ابانوب

مرحبآ بك فى منتدى ام انور والقديس ابانوب ان كنت عضو مسجل برجاء الدخول او التسجيل معنا وانضم الى اسره المنتدى مع تمنياتنا بقضاء وقت مفيد وممتع فى المنتدى
مايكل ابن الملك المدير العام

منتدى ام النور والقديس ابانوب

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

موضوعات دينيه قصص روحيه ترانيم مسيحيه افلام دينيه والمنتدى الترفيهى

سلام ونعمه
مطلوب مشرفين ومشرفات لجميع الاقسام اذا كنت جديرآ ان تكون المشرف المميز او المشرفه المميزه فعليك بالدخول الى مجموعة المشرفين والتسجيل بها
                                سلام المسيح مع جميعكم
  
زوج يعاتب زوجتة ياللا نشوف بيقول لها اية New-style-ws-17a000c490    زوج يعاتب زوجتة ياللا نشوف بيقول لها اية New-style-ws-17a000c490 اداره ابن الملك   

    زوج يعاتب زوجتة ياللا نشوف بيقول لها اية

    ابن الملك
    ابن الملك
    المدير العام
    المدير العام


    ذكر الابراج الابراج : العذراء القط
    عدد المساهمات : 208
    تاريخ التسجيل : 10/07/2011
    العمر : 36
    الموقع : https://omelnor.7olm.org

    بطاقة الشخصية
    الأوسمة: 1

    زوج يعاتب زوجتة ياللا نشوف بيقول لها اية Empty زوج يعاتب زوجتة ياللا نشوف بيقول لها اية

    مُساهمة من طرف ابن الملك الإثنين 11 يوليو - 1:55

    زوج يعاتب زوجتة ياللا نشوف بيقول لها اية

    .
    .
    .
    .
    .





    على إيه جَيّه تلومينى
    دا انتِ حقــِّـك تشــكرينى


    زعلانة انى بعدت عنك
    ما انت زمان طلـّعْـتى عينى



    على إيه جَيّه تلومينى



    ††††††††††††††††



    كل شئ جايز بالخناق
    إلا الغــرام بالاتفــاق


    حلفت براس عــلاء
    إنك مش هتشــوفينى


    على إيه جيّه تلومينى



    ††††††††††††



    فاكرة أيـــام الخطوبـــة
    لما كنتى ف شهر طوبة


    يا إما نروح نفق العروبة
    يا إما بالطوب تبطحينى



    على إيه جَايّه تلومينى



    ††††††††††††††††



    لو خرجنا تغـَرَّمِـينى
    ولو قعدنا تبَسْــتـِفينى


    ولما أقوللِك إرحمينى
    ألاقى شبشب جاى ف عينى



    على إيه جَيّه تلومينى



    ††††††††††††††††



    لو جبتلك ف يوم زيارة
    عود قصب وكام خيارة


    تعمليلى ألف غـــارة
    وف الحوارى تفضحينى



    على إيه جَيّه تلومينى



    ††††††††††††††††



    ولو مسكت إيديكى تِهْرِى
    ولو نـَدَهْت عليكى تجرى


    وتقوليلى آه ياضهرى
    وتستخبـّى وتسيبينى



    على إيه جَيّه تلومينى



    ††††††††††††††††



    وف الفرح والناس سعيدة
    وكنتْ بالبدلة الجديدة


    ألقاك ماسكالى حديدة
    كنتِ نفسِك تضربينى



    على إيه جَيّه تلومينى



    ††††††††††††††††



    رجعت بدرى ف يوم خميس
    نفسى أحس إنى عريس



    لقيت ف إيدِك عود سِريس
    وهات يا أكل وتطنشينى



    على إيه جَيّه تلومينى



    ††††††††††††††††



    وبعد الفرح بتلات شهور
    روّحْت ومعايا عودين زهور


    شخطتى فىَّ ياعم غور
    قلتلك ليـه بتكرهـينى



    على إيه جَيّه تلومينى



    ††††††††††††††††



    وبـعد سـبع سـنيـن خلـِّــفـت
    كنت يوماتى بتغدّا لفت


    وياريت عاجب تقوليلى يازفت
    إمشى غور لحْسَنْ ودِيـنى .....



    على إيه جَيّه تلومينى



    ††††††††††††††††



    و ع الحال ده سنين طوال
    كنت بتنامى زى الشوال


    قلتْ انام جنب العيـــال
    عشان ليلاتى بتِسْرعينى



    على إيه جَيّه تلومينى



    ††††††††††††††††



    أخدت سُلفة من صديقى
    وقلتـلـِك بالله عليــكى


    نفسى أكلـَـة من إيديكى
    كنت عايزة تعوَّرينى



    على إيه جَيّه تلومينى



    ††††††††††††††††



    دا انتِ عيشتِك بالخسارة
    مابتفهميش زى الحمارة


    معندكيش غير البصارة
    تعمِـلى وتأكـّلـِيـــنى



    على إيه جَيّه تلومينى



    ††††††††††††††††



    لو طبخنا طبخة عـِدْلـَة
    قرنبيط أو حتى رجْلـَة


    أو عملتى صحن عِجـَّة
    تبقى عايزة توزّعينى



    على إيه جَيّه تلومينى



    ††††††††††††††††



    كل حى يروح لحالـُه
    وكل واحد يهدا بالـُه


    والغرام لمِّيت عِزَالـُه
    وهريَّحِك وتريَّحيــنى



    على إيه جَيّه تلومينى



    ††††††††††††††††



    نويت خلاص أقول يافكيك
    واخلص منـِّك بطريقة شيك


    كده اهُو ومن غير تـَمَاحِـيك
    ومش هسيبك تخلعينى



    على إيه جَيّه تلومينى



    ††††††††††††††††



    هاخدلى واحدة زى سوسو
    تحفظ للراجل فلوسـُـه


    ولو ف يوم حَنطور يدوسـُه
    تقول دا بعلى وكان شارينى



    وماتجيش تانى تلومينى

    منقووووووووووووول

      الوقت/التاريخ الآن هو الخميس 28 مارس - 14:48