كلمات ترنيمة شدة وهتزول للشاعر رمزى بشاره من الألبوم القادم للمرنمة الأردنية إيرينى آبو جابر

كلمات ترنيمة شدة وهتزول للشاعر رمزى بشاره من الألبوم القادم للمرنمة الأردنية إيرينى آبو جابر



أنا هاأتحَمِّل وَيَّاك الضِّيقه لآخرها
وِمَعُونتَك مش هاأزعَل أبداً من تأخيرها
نَفسى عارفه إن دَه كُلُّه هَيبقى لخيرها
هاأستَحمل مهما الضِّيقة تطول

فيه باب مَفتوح وسط الأبواب المقفوله
والمايله مسيرها بُكره هَتِبقى مَعدوله
ليك حِكمه ويِمكن بالنِّسبه لى مَجهوله
بس أنا عارِف شِدَّه وهَتزول

ضيقَه و مسيرها تنتهى وشِدَّه وهَتزول
أيوب صَبر وشُوف نَتيجة صَبرُه إيه
وكُلُّه للخير مهما يِحصَل بَس قُول :
رَبِّنا موجود . وسيب حِملَك عليه


زَمن الضِّيقة بيطوَل تِقدَر على تَقصيرُه
وتنسِّينى وبتشفينى من تأثيرُه
جبل الهَم إنتَ إللى بتِقدَر على تَكسيرُه
وبتِدِّى سلام فاق العُقُول

و إللى سنينُه ضاعِت مِنُّه وكَلها جَرَاد
بتعَوَّضُه عَنها وتِدِّى جمال بَدل الرَّماد
زَى العَصفُور مابيُخرُج من فَخ الصَّياد
بتنجِّينى وتِبعت لى حُلُول
>>> رمزى بشاره




++++++++++++++++++++++++++++++++++++++

+ آيات وردت معانيها فى الترنيمة :-


† هنذا قد جعلت أمامك باباً مفتوحاً ولا يستطيع أحد أن يُغلقه
رؤ 3 : 8

"† هَا نَحْنُ نُطَوِّبُ الصَّابِرِينَ. قَدْ سَمِعْتُمْ بِصَبْرِ أَيُّوبَ وَرَأَيْتُمْ عَاقِبَةَ الرَّبِّ. لأَنَّ الرَّبَّ كَثِيرُ الرَّحْمَةِ وَرَؤُوفٌ "
يع 5 : 11
† وسلام الله الذى يفوق كل عقل يحفظ أفكاركم وقلوبكم فى المسيح يسوع
فى 4 : 7

† وأُعَوِّض لكم عن السنين التى أكلها الجراد
يوئيل 2 : 25
أُعطيهُم جَمالاً عِوَضَاً عَن الرَّماد †
أش 61 : 3


نَجَت أنفُسنا مثل العُصفور من فَخ الصَّياد الفخ إنكَسَر ونَحنُ نَجونا †
مز 124 : 7

+ أقوال لقداسة البابا شنوده الثالث
مسيرها تنتهى
+
كلُّه للخير
+
ربِّنا موجود


شدة وهتزول
كلمات رمزى بشاره
ألحان سامح عبيد
توزيع رفيق عدلى
التسجيل بإستوديو مارسلينو - مصر
ميكساج م هانى ثابت - الأردن